Wararka naga soo gaaraya magaalada Boosaaso ee xarunta gobolka Bari ayaa sheegaya in si weyn saaka loo adkeeyey ammaanka garoonka weyn ee magaaladaasi iyadoo la filayo inay dhowaana ka soo degaanka diyaarado sida lacago Been abuur ah.

Lacagahan oo ah Shillilin Soomaali ayaa bilihii ugu dambeeyey oo dhan laga soo dejinayay garoonka Boosaaso, waxaana shirko ku ah, ganacstado, maamulka Puntland iyo weliba dowladda federaalka ee Soomaaliya oo iyadu leh saxiixa mashruuca semeynta lacagahaasi, waxaana arrintan ka cowday shacabka ku dhaqan degaanadaasi oo la kulmay sicir barar.

Ma ahan markii ugu horeysay ee ay lacagahani soo gaaraan magaaladaasi iyadoo lagu xareeyo Bankigaga weyn ee magaalada Boosaaso, iyadoo kadina la filayo in loo daabulo qaar ka mid ah lacagahaasi magaalad Baydhabo, waxaana xusid mudan in qeybaha ugu badan ee lacagahan la siiyo qaar ka mid ah hogaamiye kooxeedyadii looga itaal roonaaday dagaaladii Muqdisho.